- రూ.10 లక్షల ఆస్తి నష్టం
- ఎవరూ లేకపోవడంతో తప్పిన ముప్పు
కూకట్పల్లి, వెలుగు: కూకట్పల్లి ప్రశాంతినగర్లోని ప్లాస్టిక్గ్లాసుల తయారీ పరిశ్రమలో ఆదివారం రాత్రి అగ్నిప్రమాదం జరిగింది. సెలవు రోజు కావడంతో అక్కడ కార్మికులు, సిబ్బంది ఎవరూ లేరు. దీంతో ప్రాణనష్టం తప్పింది. రాత్రి 9.30 గంటల సమయంలో షార్ట్సర్క్యూట్తో మంటలు వ్యాపించగా గుర్తించిన స్థానికులు ఫైర్సిబ్బందికి సమాచారం ఇచ్చారు.
రెండు ఫైర్ఇంజిన్లతో సంఘటనా స్థలానికి చేరుకుని మంటలను అదుపు చేయడానికి ప్రయత్నించారు. ప్లాస్టిక్ గ్లాసుల తయారీ పరిశ్రమ కావడంతో మంటలను అదుపు చేయడానికి రెండు గంటలు పట్టింది. సుమారు రూ.10 లక్షల ఆస్తి నష్టం జరిగినట్టు సమాచారం. కూకట్పల్లి పోలీసులు కేసు ఫైల్చేశారు.
